السلام عليكم
اليوم اتيت لكم وبجعبتي قصيده رائعه ومميزه
اتمنى انها تعجبكم
يا متعب القلب قلـي ويـش غلطاتـي
ان كنت انا اقـدر اعدلهـا .. بعدلهـا
لاصرت تجهل عناء الدنيا .. وضيقاتي
من دون ماشرح لك اوضاعي تأملهـا
الوقت ضدي .. حرمني من ملذاتـي
والصد بعدك ذبح روحي .. وكملهـا
لا .. لايغرك كثير الصمت .. وسكاتي
خل المشاعر تقول ( الآآآآه ) وإسألها
يسكني الحب .. واضح من عباراتـي
وش عاد لجلـك حروفـي لـو أدللها
عذبني الشـوق واسرفـت بخيالاتـي
روح ٍ تحبك دخيلك ليـش .. تهملهـا
ياليتك إشـوي تشعـر فـي معاناتـي
دنياك يمكـن عليـك تضيـق باكملهـا
الحزن كنـه سفيـري فـي علاقاتـي
والهم خيّم علـى حالـي .. وطولهـا
اغديت دربي وتاهت فيـك خطواتـي
كل المواعيـد مـدري ليـش تجهلهـا
سنين احاول وضاعت كـل حيلاتـي
ماتدري اني ( حيـاة الـذّل ) مقبلهـا
لاجيتك أسال وادوّر فيـك ضحكاتـي
كنك تعمـد بيديـك اليـوم .. تقتلهـا
لا تتـرك الظـن يلعـب باحتمالاتـي
الكلمه اللي تحـزّ بخاطـرك .. قلهـا
تعال شفنـي وحـس بحـال لوعاتـي
كن الدقايـق بدونـك عـام مطولهـا
متى التباشير بقدوم ( الغـلا ) تاتـي
فرحة زمانـي بشوفـك مـا تخيلهـا
خلاص صبري تعـدى كـل هقواتـي
اتعبت نفسـي ( اعزيهـا .. وعللها )
ابيك تنسـى وتدمـح كـل ( زلاتـي)
بعض البشر صعب مانقـدر نزعلهـا
والحين جيتك ابمسـح كـل غلطاتـي
دنيـاي دونـك وربــي ماتحملـهـا
وسلامت قلوبكم